மலேசியாவின் இலங்கைக்கான உயர் ஆணையர் பத்லி ஹிஷாம் ஆதம் (Badli Hisham Adam) அவர்களின் சிறப்பு அழைப்பின் பேரில், வெளிவிவகார, வெளிநாட்டு வேலைவாய்ப்பு மற்றும் சுற்றுலா அமைச்சர் விஜித ஹேரத் அவர்கள் “மலேசிய உணவு விழாவில்” (Malaysian Food Festival) பங்கேற்றுள்ளார்.
இந்த நிகழ்வு மலேசிய உயர் ஆணையர் அலுவலகத்தினால் ஏற்பாடு செய்யப்பட்டு, நேற்று (05) பிற்பகலில் நடைபெற்றது.
கொழும்பு ஷெரடன் கொழும்பு ஹோட்டல் இல் நடைபெற்ற இந்த விழா, மலேசியாவின் கலை, கலாசாரம் மற்றும் பல்வகை உணவு மரபுகளை வெளிப்படுத்துவதற்காக சிறப்பாக ஏற்பாடு செய்யப்பட்டது.
மேலும், மலேசிய சுற்றுலாவை இலங்கையில் மேம்படுத்தும் நோக்கத்துடன் இந்த நிகழ்வு நடத்தப்பட்டது. மலேசியாவிலிருந்து வந்த அனுபவமுள்ள சமையல் கலைஞர்கள் (chefs) உணவுகளை தயாரித்திருந்தனர்.
கடந்த சில நாட்களாக கொழும்பில் உள்ள இரண்டு ஹோட்டல்களுடன் இணைந்து மலேசிய உணவுகளை இலங்கைக்கு அறிமுகப்படுத்தும் சிறப்பு நிகழ்ச்சிகளை உயர் ஆணையர் அலுவலகம் முன்னெடுத்திருந்தது. அதன் இறுதி நாள் நேற்று (05) இடம்பெற்றது.
