எண்ணெய் விலைகள் மேலும் சரிவு!

OPEC+ அமைப்பு ஆகஸ்ட் மாதத்திற்கான உற்பத்தி இலக்குகளை அதிகரித்ததைத் தொடர்ந்து, உலக சந்தையில் கச்சா எண்ணெய் விலைகள் தொடர்ந்து குறைந்துள்ளன.

அதே நேரத்தில் ஹார்முஸ் நீரிணை வழியாக எண்ணெய் ஏற்றுமதி மீண்டும் அதிகரித்திருப்பதும் உலகளாவிய விநியோகம் மேலும் உயரக்கூடும் என்ற எதிர்பார்ப்பை உருவாக்கியுள்ளது.

சந்தை நிலவரப்படி, பிரெண்ட் கச்சா எண்ணெய் ஒரு பீப்பாய்க்கு 71.78 அமெரிக்க டாலராக குறைந்துள்ளது. அதேபோல், அமெரிக்காவின் West Texas Intermediate (WTI) கச்சா எண்ணெய் 68.48 அமெரிக்க டாலருக்கு வர்த்தகம் செய்யப்பட்டது.

விநியோக அதிகரிப்பு மற்றும் OPEC+ முடிவுகள் காரணமாக, வரும் நாட்களில் விலை மேலும் நிலைகுலையக்கூடும் என சந்தை ஆய்வாளர்கள் மதிப்பிடுகின்றனர்.