அவுஸ்திரேலியாவில் இலங்கை இளைஞர்களின் திறமையையும் புத்தாக்கச் சிந்தனையையும் மீண்டும் ஒருமுறை உலகிற்கு நிரூபிக்கும் வகையில் Thadus CodeLabs நிறுவனத்தின் இணை நிறுவனர் நெத் தர்மசிறி மற்றும் அவரது குழுவினர், 2026 குயின்ஸ்லாந்து 7NEWS இளம் சாதனையாளர் விருதுகளில் இரண்டு முக்கிய வெற்றிகளைப் பெற்றுள்ளனர்.
இலங்கை சமூகம் உள்ளிட்ட மக்களின் பெரும் ஆதரவுடன், 482 வாக்குகளைப் பெற்று குயின்ஸ்லாந்து மாநிலத்தின் டாப் 5 இறுதிப் போட்டியாளர்களில் ஒருவராக Thadus CodeLabs தெரிவாகியுள்ளது.
இந்த விருதிற்கான பிரிவிலும் இவர்கள் டாப் 5 இறுதிப் போட்டியாளர்களில் ஒருவராகத் தகுதி பெற்றுள்ளனர்.
12-ஆம் வகுப்பு மாணவர்களால் தொடங்கப்பட்ட இந்த Thadus CodeLabs, இணைய வசதி இல்லாத கிராமப்புறக் குழந்தைகளின் வாழ்விலும் மாற்றத்தை ஏற்படுத்தி வருகிறது. இவர்கள் உருவாக்கியுள்ள Offline Coding Platform மூலம் இலங்கையின் கிராமப்புறங்களில் உள்ள நூற்றுக்கணக்கான மாணவர்கள் கணினி நிரலாக்கத்தை கற்றுக்கொள்ளும் வாய்ப்பைப் பெற்றுள்ளனர்
இந்தச் சேவையை வரும் காலங்களில் தெற்காசியாவின் பிற நாடுகளுக்கும் விரிவுபடுத்த இவர்கள் திட்டமிட்டுள்ளனர்.
இந்த வெற்றியின் பின்னர் கருத்து தெரிவித்த நெத் தர்மசிறி, “இந்த வெற்றிக்குக் காரணமாக இருந்த இலங்கை சமூகத்திற்கு எமது மனமார்ந்த நன்றிகள்,” என்று தெரிவித்தார். மேலும், “இலங்கையின் கிராமப்புற இளைஞர்களுக்காகத் தொடர்ந்து பணியாற்றுவேன். டிஜிட்டல் இலங்கையின் புதிய சகாப்தத்தை உருவாக்குவதில் எனது பங்களிப்பை வழங்குவேன்,” என்று அவர் உறுதியளித்தார்.
தற்போது ‘Thadus Group’, தெற்காசியா மற்றும் இலங்கையில் புதிய கூட்டாண்மைகளை உருவாக்கி, கணினி அறிவியல் மற்றும் டிஜிட்டல் கல்வியைத் தரம் உயர்த்தும் நடவடிக்கைகளில் தீவிரமாக ஈடுபட்டு வருகிறது.
