நீர்கொழும்பு சிறைச்சாலை மோதல் -சந்தேகநபர்களுக்கு எதிராகக் கொலைக் குற்றம் மற்றும் பொதுச்சொத்துச் சட்டத்தின் கீழ் வழக்கு!

நீர்கொழும்பு சிறைச்சாலையில் அண்மையில் ஏற்பட்ட மோதலில் 10 சிறைச்சாலை அதிகாரிகள் மற்றும் 21 கைதிகள் உட்பட 31 பேர் கொல்லப்பட்ட சம்பவம் தொடர்பாக அடையாளம் காணப்படும் அனைத்து சந்தேகநபர்களுக்கும் எதிராகக் கொலைக் குற்றச்சாட்டு, புத்தாக்கப்பட்ட துப்பாக்கிகள் கட்டளைச் சட்டம் மற்றும் பொதுச்சொத்துச் சட்டத்தின் கீழ் வழக்குத் தொடரப்படும் என குற்றப் புலனாய்வுத் திணைக்களம் (CID) நீர்கொழும்பு நீதவான் நீதிமன்றத்திற்கு அறிவித்துள்ளது.

ஒரே சம்பவம் தொடர்பாக சிறைச்சாலை நீதிமன்றத்திலும், சாதாரண நீதிமன்றத்திலும் என இருவேறு வழக்கு விசாரணைகளை நடத்தி தண்டனை வழங்குவது பொருத்தமற்றது என சுட்டிக்காட்டிய CID அதிகாரிகள், தற்போது இந்த விவகாரம் தொடர்பாகத் தங்களால் விரிவான விசாரணைகள் நடத்தப்படுவதால் சிறைச்சாலை நீதிமன்ற விசாரணை அவசியமற்றது எனக் குறிப்பிட்டனர். எனினும், சிறைச்சாலைகள் சட்டத்தின்படி அதற்கான அதிகாரம் சிறைச்சாலைக்கு உள்ளதால், இது குறித்து ஆராய்ந்து பின்னர் உத்தரவு பிறப்பிப்பதாக நீர்கொழும்பு பிரதம நீதவான் ஷலனி பெரேரா தெரிவித்தார்.

இதேவேளை, சிறைச்சாலைக்கு ஏற்பட்ட சேதங்கள் குறித்து நில அளவைத் திணைக்களத்தின் ஊடாக ட்ரோன் (Drone) பரிசோதனை ஒன்றை நடத்துவதற்கும், CID கோரிய ஏனைய அனைத்து உத்தரவுகளையும் பிறப்பித்த நீதவான், விசாரணைகளின் முன்னேற்ற அறிக்கை எதிர்வரும் ஜூலை 23ஆம் திகதி நீதிமன்றில் சமர்ப்பிக்குமாறு உத்தரவிட்டார். இந்த வழக்கு விசாரணையின் போது உயிரிழந்தவர்களின் உறவினர்கள் சிலரும் சாட்சியமளித்திருந்தன