அத்தியாவசிய பராமரிப்புப் பணிகள் காரணமாக, வெள்ளவத்தை மற்றும் பாமன்கடை பகுதிகளில் இன்று (06) இரவு 10.00 மணி முதல் நாளை (07) காலை 5.00 மணி வரை 7 மணி நேரத்துக்கு நீர் விநியோகம் தற்காலிகமாக நிறுத்தப்படும் என தேசிய நீர் வழங்கல் மற்றும் வடிகால் சபை (NWSDB) அறிவித்துள்ளது.
பாரியகொழும்பு நீர் மற்றும் கழிவுநீர் மேலாண்மை மேம்பாட்டு முதலீட்டுத் திட்டத்தின் கீழ் செயல்படுத்தப்படும் ஒரு திட்டத்தில் அத்தியாவசிய மேம்பாட்டுப் பணிகளுக்காக இந்த நீர் வெட்டு மேற்கொள்ளப்படுவதாக சபை தெரிவித்துள்ளது.
அதன்படி, வெள்ளவத்தை மற்றும் பாமன்கடை பகுதி மக்கள் தங்களுக்குத் தேவையான நீரை முன்கூட்டியே சேகரித்து, இருக்கும் நீரை சிக்கனமாகப் பயன்படுத்துமாறு NWSDB கேட்டுக்கொள்கிறது.
இந்த அத்தியாவசிய பராமரிப்புப் பணிகளால் நுகர்வோருக்கு ஏற்படக் கூடிய சிரமங்களுக்கு சபை வருத்தமும் தெரிவித்துள்ளது.
