சூர்யா நடிப்பில் வெங்கி அட்லூரி இயக்கத்தில் உருவாகியுள்ள ‘விஸ்வநாதன் & சன்ஸ்’ திரைப்படம் ரசிகர்களின் பெரும் எதிர்பார்ப்புக்கு மத்தியில் இன்று திரையரங்குகளில் வெளியாகியுள்ளது.
படம் வெளியானதைத் தொடர்ந்து திரையரங்குகளில் ரசிகர்களின் கூட்டம் அலைமோதி வரும் நிலையில், ஆன்லைன் முன்பதிவிலும் டிக்கெட் விற்பனை தீவிரமாக நடைபெற்று வருகிறது.
கடந்த 24 மணி நேரத்தில் மட்டும் சுமார் 1,72,230 டிக்கெட்டுகள் ஆன்லைனில் முன்பதிவு செய்யப்பட்டுள்ளன. ஒரு டிக்கெட்டின் சராசரி விலை ரூ.150 எனக் கணக்கிடப்பட்டுள்ள நிலையில், ஆன்லைன் முன்பதிவு மூலம் மட்டும் சுமார் ரூ.2.5 கோடி வசூலாகியுள்ளதாக தெரிவிக்கப்பட்டுள்ளது.
மேலும், வார இறுதி நாட்கள் தொடங்கியுள்ளதால் அடுத்தடுத்த காட்சிகளுக்கான முன்பதிவும் வேகமாக நடைபெற்று வருவதாக கூறப்படுகிறது. இதனால் வரும் நாட்களில் படத்தின் வசூல் மேலும் அதிகரிக்கும் என எதிர்பார்க்கப்படுகிறது.
