நாட்டில் நிலவும் சீரற்ற காலநிலை காரணமாக, நுவரெலியா மற்றும் ஹட்டன் கல்வி வலயங்களுக்கு உட்பட்ட அனைத்து பாடசாலைகளும் இன்று (25) விடுமுறை வழங்கப்பட்டுள்ளது.
இதன்படி, நுவரெலியா கல்வி வலயத்திற்கு உட்பட்ட அனைத்து பாடசாலைகளும் இன்று (25) மூடப்படும் என நுவரெலியா வலயக் கல்விப் பணிப்பாளர் டி.எம்.எஸ்.டி. திஸாநாயக்க தெரிவித்துள்ளார்.
அதேவேளை, ஹட்டன் கல்வி வலயத்திற்கு உட்பட்ட அனைத்து பாடசாலைகளுக்கும் இன்று (25) விடுமுறை வழங்கப்படுவதாக ஹட்டன் வலயக் கல்விப் பணிப்பாளர் எஸ். ஜெயகுமார் தெரிவித்துள்ளார்.
மேலும், ஹட்டன் கல்வி வலயத்தில் இன்றைய (25) தினத்திற்கான பாடசாலை நடவடிக்கைகளுக்கு பதிலாக வேறொரு நாளில் பதில் பாடசாலை நடத்தப்படும் என்றும் அறிவிக்கப்பட்டுள்ளது.
தற்போது நிலவும் சீரற்ற காலநிலையை கருத்திற்கொண்டு, மாணவர்கள் மற்றும் பாடசாலை சமூகத்தினரின் பாதுகாப்பை முன்னிறுத்தி இந்த நடவடிக்கை மேற்கொள்ளப்பட்டுள்ளது.
