300 மில்லியன் ரூபாய்க்கும் அதிக பெறுமதியான ஹெரோயின் மற்றும் ‘ஐஸ்’ போதைப்பொருளுடன் தம்பதியினர் உட்பட மூன்று சந்தேகநபர்கள் மேல் மாகாண வடக்கு குற்றப்பிரிவினரால் கைது செய்யப்பட்டுள்ளனர்.
பிலியந்தலை, பொக்குந்தரை பகுதியில் மேற்கொள்ளப்பட்ட விசேட சுற்றிவளைப்பின் போதே இந்த போதைப்பொருள் கடத்தல் முறியடிக்கப்பட்டுள்ளது.
இதன்போது சந்தேகநபர்களின் வசம் இருந்த 11 கிலோகிராம் ஹெரோயின் மற்றும் 6 கிலோகிராம் ஐஸ் போதைப்பொருள் காவல்துறைப் பொறுப்பில் எடுக்கப்பட்டுள்ளதாகக் காவல்துறை தெரிவித்துள்ளது.
கைது செய்யப்பட்டுள்ள சந்தேகநபர்கள் தொடர்பாக மேல்மாகாண வடக்கு குற்றப்பிரிவினர் மேலதிக விசாரணைகளை முன்னெடுத்து வருகின்றனர்.
