நேற்று (26) சனிக்கிழமை பேரெழுச்சியாக நினைவேந்தல் முன்னெடுக்கப்பட்ட நிலையில் தியாகி திலீபனின் சிலை அகற்றப்பட்ட விடயமானது தமிழ் மக்கள் மத்தியில் விசனத்தையும், அதிர்ச்சியையும் ஏற்படுத்தியுள்ளது.
தியாகி திலீபனுக்கு விடுதலைப் புலிகள் இயக்கத்தினரால் கேணல் பதவி வழங்கப்பட்டதாலும், அவர் முன்னாள் புலி உறுப்பினர் என்பதாலும் பயங்கரவாதி பட்டியலில் உள்ளார்.
எனவே, பயங்கரவாத தடைச் சட்டத்தின் அடிப்படையில் அவருக்கு சிலை அமைத்து நினைவேந்தல் செய்ய முடியாது. அந்தவகையில் சிலை அகற்றப்பட்டதாகவும், இதற்கு எதிராக நீதிமன்றத்தில் வழக்கு தாக்கல் செய்யப்படவுள்ளதாகவும் பொலிஸ் தரப்பு தகவல்கள் தெரிவிக்கின்றன.
மேலும், குறித்த பகுதிக்கான தடையுத்தரவும் நீதிமன்றத்தின் மூலம் பெற முயற்சிப்பதாக அறியமுடிகிறது.
