சபாநாயகர் ஜகத் விக்கிரமரத்னவுக்கு எதிராக நம்பிக்கையில்லா பிரேரணையை எதிர்வரும் வெள்ளிக்கிழமை (09) நாடாளுமன்றத்தில் கையளிக்க எதிர்க்கட்சி தீர்மானித்துள்ளது.
சமகி ஜன பலவேகய நாடாளுமன்ற உறுப்பினர் அஜித் பி. பெரேரா நேற்று (06) நாடாளுமன்றத்தில் இதனை அறிவித்தார்.
இதன்படி, சபாநாயகருக்கு எதிரான நம்பிக்கையில்லா பிரேரணை வெள்ளிக்கிழமை உத்தியோகபூர்வமாக கையளிக்கப்படவுள்ளது.
இதற்கு பதிலளித்த சபைத் தலைவர் அமைச்சர் பிமல் ரத்நாயக்க, பிரேரணை கையளிக்கப்பட்ட பின்னர் அதனை தாமதமின்றி விவாதத்திற்கு எடுத்துக்கொள்ள அரசாங்கம் தயாராக இருப்பதாக தெரிவித்தார்.
வெள்ளிக்கிழமை பிரேரணை கையளிக்கப்பட்ட பின்னர் இடம்பெறும் முதல் நாடாளுமன்ற வாரத்திலேயே அதனை விவாதத்திற்கு எடுத்துக்கொள்ள வேண்டும் எனவும் அவர் முன்மொழிந்துள்ளார்.
