பண்டாரகம – களுத்துறை வீதியில், கல்துடே பகுதியில் இடம்பெற்ற வீதி விபத்தில் நேற்று (10) பெண் ஒருவர் உயிரிழந்துள்ளார்.
இலங்கை போக்குவரத்துச் சபைக்கு சொந்தமான பஸ் ஒன்று, பஸ் நிலையத்தில் பயணிகளை ஏற்றிய பின்னர் முன்னோக்கிச் சென்றுகொண்டிருந்தபோது, வீதியைக் கடக்க முயன்ற பெண் ஒருவரின் மீது மோதியுள்ளது.
விபத்தில் படுகாயமடைந்த பெண், பாணந்துறை வைத்தியசாலையில் அனுமதிக்கப்பட்ட நிலையில் சிகிச்சை பலனின்றி உயிரிழந்துள்ளார்.
உயிரிழந்தவர் பண்டாரகம பகுதியைச் சேர்ந்த 59 வயதுடைய பெண் என பொலிஸார் தெரிவித்துள்ளனர்.
சம்பவம் தொடர்பில் பண்டாரகம பொலிஸார் மேலதிக விசாரணைகளை முன்னெடுத்து வருகின்றனர்.
