ஜா-எல மற்றும் தங்கொட்டுவை பகுதிகளில் நேற்று (11) மேற்கொள்ளப்பட்ட விசேட சுற்றிவளைப்பு நடவடிக்கைகளின் போது, பெருந்தொகையான சட்டவிரோத மதுபானம் மற்றும் கோடாவுடன் இருவர் கைது செய்யப்பட்டுள்ளதாகப் பொலிஸார் தெரிவித்துள்ளனர்.
ஜா-எல – ஏக்கல பகுதியில் திகன கால்வாய்க்கு அருகிலுள்ள கரையில் 300 லீற்றர் (400 போத்தல்கள்) சட்டவிரோத மதுபானத்துடன் சந்தேகநபர் ஒருவர் கைது செய்யப்பட்டுள்ளார்.
கைது செய்யப்பட்டவர் ஏக்கல, ஜா-எல பகுதியைச் சேர்ந்த 56 வயதுடைய நபராவார்.
சந்தேகநபர் மேலதிக நடவடிக்கைகளுக்காக ஜா-எல பொலிஸ் நிலையத்தில் ஒப்படைக்கப்பட்டுள்ளார்.
தங்கொட்டுவை – கோனவில பகுதியில் 101 லீற்றர் 250 மில்லிலீற்றர் (135 போத்தல்கள்) சட்டவிரோத மதுபானம் மற்றும் மதுபான உற்பத்திக்காகப் பயன்படுத்தப்படும் 4,750 லீற்றர் (25 பீப்பாய்கள்) கோடா என்பவற்றுடன் சந்தேகநபர் ஒருவர் கைது செய்யப்பட்டுள்ளார்.
கைது செய்யப்பட்டவர் கோனவில, தங்கொட்டுவை பகுதியைச் சேர்ந்த 42 வயதுடைய நபராவார்.
மேலும், இந்தச் சம்பவங்கள் தொடர்பில் ஜா-எல மற்றும் தங்கொட்டுவை பொலிஸார் மேலதிக விசாரணைகளில் ஈடுபட்டு வருகின்றனர்.
