ஹோர்முஸ் நீரிணையில் கப்பல்கள் மீதான தாக்குதல்கள்: உலக வர்த்தகத்துக்கு அச்சுறுத்தல்

மத்திய கிழக்கில் அதிகரித்து வரும் மோதல்கள் காரணமாக, ஹோர்முஸ் நீரிணைக்கு அருகிலுள்ள கடற்பகுதிகளில் சரக்குக் கப்பல்கள் மற்றும் எண்ணெய் தாங்கிக் கப்பல்களின் பாதுகாப்பு குறித்த கவலைகள் அதிகரித்துள்ளன

ஒக்டோபர் 11ஆம் திகதி ஒரே நாளில் ஆறு கப்பல்கள் தாக்குதல்களுக்கு இலக்காகியதாகக் கடல்சார் பாதுகாப்புத் தகவல்கள் தெரிவிக்கின்றன. ஒக்டோபர் மாதத்தின் முதல் 11 நாட்களில், இந்தப் பகுதியில் பல கப்பல்கள் ஏவுகணை மற்றும் ட்ரோன் தாக்குதல்களுக்கு உள்ளானதாகவும் செய்திகள் வெளியாகியுள்ளன.

ஹோர்முஸ் நீரிணை உலகளாவிய எண்ணெய் வர்த்தகத்தின் முக்கியப் பாதையாக இருப்பதால், இப்பகுதியில் கப்பல் போக்குவரத்து தடைப்படுவது சர்வதேச சந்தையில் எரிசக்தி விநியோகத்தைப் பாதிக்கக்கூடும். பாதுகாப்பு அச்சுறுத்தல்களால் கப்பல் நிறுவனங்கள் மாற்றுப் பாதைகளைத் தேர்ந்தெடுக்க வேண்டிய நிலை ஏற்பட்டால், பயண நேரமும் காப்புறுதிச் செலவும் அதிகரிக்கலாம்.
இதன் விளைவாக எரிபொருள் மட்டுமன்றி, கடல் வழியாக எடுத்துச் செல்லப்படும் பல்வேறு பொருட்களின் விலைகளிலும் மாற்றங்கள் ஏற்படுவதற்கான வாய்ப்புகள் உள்ளன.