மத்திய கிழக்கில் அதிகரித்து வரும் பாதுகாப்பு அச்சுறுத்தல்களைத் தொடர்ந்து, ஐரோப்பிய ஒன்றியம் மற்றும் வளைகுடா ஒத்துழைப்பு கவுன்சில் நாடுகளுக்கு இடையே சவூதி அரேபியாவின் ரியாத் நகரில் நடைபெறவிருந்த உச்சிமாநாடு ஒத்திவைக்கப்பட்டுள்ளது.
ஒக்டோபர் 24ஆம் திகதி நடைபெறத் திட்டமிடப்பட்டிருந்த இந்தக் கூட்டத்தில், ஐரோப்பிய நாடுகளுக்கும் வளைகுடா பிராந்திய நாடுகளுக்கும் இடையிலான அரசியல், பொருளாதார மற்றும் பாதுகாப்பு ஒத்துழைப்புகள் குறித்து கலந்துரையாடப்படவிருந்தது.
எனினும், ஏவுகணை மற்றும் ட்ரோன் தாக்குதல்கள் தொடர்பான அச்சுறுத்தல்கள் அதிகரித்துள்ள நிலையில், விமானப் போக்குவரத்து மற்றும் பாதுகாப்பு ஏற்பாடுகள் குறித்து கவலைகள் எழுந்துள்ளன. ரியாத் விமான நிலையத்தைச் சுற்றிய பாதுகாப்புச் சூழ்நிலையும் இந்த முடிவில் முக்கிய பங்கு வகித்ததாக Reuters தெரிவித்துள்ளது.
இந்த உச்சிமாநாடு ஒத்திவைக்கப்பட்டமை, பிராந்தியத்தில் நிலவும் பதற்றம் சர்வதேச இராஜதந்திர நடவடிக்கைகளையும் பாதிக்கத் தொடங்கியுள்ளதைக் காட்டுகிறது.
புதிய திகதி பின்னர் அறிவிக்கப்படும் என எதிர்பார்க்கப்படுகிறது. மத்திய கிழக்கில் பாதுகாப்பு நிலைமை சீரடைவதைப் பொறுத்து, பிராந்திய ஒத்துழைப்பு தொடர்பான பேச்சுவார்த்தைகள் மீண்டும் முன்னெடுக்கப்படலாம்.
