கண்டி மாவட்டத்தின் பல பகுதிகளில் நாளை (21) புதன்கிழமை காலை 9 மணி முதல் வெள்ளிக்கிழமை (23) பிற்பகல் 3 மணி வரை 42 மணிநேரத்திற்கு நீர் விநியோகம் இடைநிறுத்தப்படவுள்ளதாக தேசிய நீர் வழங்கல் மற்றும் வடிகாலமைப்புச் சபை அறிவித்துள்ளது.
ஹரிஸ்பத்து – பூஜாபிட்டிய நீர் சுத்திகரிப்பு நிலையத்தில் மேற்கொள்ளப்படவுள்ள அத்தியாவசிய பராமரிப்புப் பணிகள் காரணமாக இந்தத் தடை அமுல்படுத்தப்படவுள்ளது.
இதன்படி, மெதவெல, கோனிகொட, பல்கும்புர, இடமேகம, ஆரம்பேகம, போதொட்ட, படுகொட, தித்தெனிய, வடகொட, ஹதெனிய, பொக்காவல, வலதென்ன, கல்லென தோட்டம், கலகெதர, மாவத்தகம, பரகஹதெனிய, யடிவில, மில்லவ மற்றும் பிலஸ்ஸ உள்ளிட்ட பல பகுதிகளில் நீர் விநியோகம் பாதிக்கப்படவுள்ளது.
நீர் விநியோகத் தடை காரணமாக ஏற்படக்கூடிய சிரமங்களைக் குறைப்பதற்காக, முன்கூட்டியே தேவையான அளவு நீரைச் சேமித்து வைத்துக்கொள்ளுமாறும், சேமிக்கப்பட்ட நீரைச் சிக்கனமாகப் பயன்படுத்துமாறும் தேசிய நீர் வழங்கல் மற்றும் வடிகாலமைப்புச் சபை பொதுமக்களிடம் கேட்டுக்கொண்டுள்ளது.
நீர் விநியோகத் தடையால் நுகர்வோருக்கு ஏற்படும் அசௌகரியங்களுக்கு சபை வருத்தம் தெரிவித்துள்ளது.
