பாகிஸ்தானில் இன்று (26) அடுத்தடுத்து இரு நிலநடுக்கங்கள் பதிவாகியுள்ளதாக தேசிய நில அதிர்வு மையம் தெரிவித்துள்ளது.
இன்று காலை 6.06 மணியளவில் ரிக்டர் அளவுகோலில் 3.6 ஆகப் பதிவான முதல் நிலநடுக்கத்தைத் தொடர்ந்து, காலை 11.15 மணியளவில் 4.2 ரிக்டர் அளவிலான இரண்டாவது நிலநடுக்கமும் பதிவாகியுள்ளது.
இந்த நிலநடுக்கம் 77 கிலோமீற்றர் ஆழத்தில் ஏற்பட்டதாகவும், 26.849 டிகிரி வடக்கு அட்சரேகை மற்றும் 68.767 டிகிரி கிழக்கு தீர்க்கரேகைப் பகுதியில் அதன் மையம் அமைந்திருந்ததாகவும் தெரிவிக்கப்பட்டுள்ளது.
எனினும், இந்த நிலநடுக்கங்களால் ஏற்பட்ட சேதங்கள் அல்லது பாதிப்புகள் தொடர்பான தகவல்கள் இதுவரை வெளியாகவில்லை.
