பாகிஸ்தான், இலங்கை மற்றும் இங்கிலாந்து அணிகள் பங்கேற்கும் முத்தரப்பு ஒருநாள் கிரிக்கெட் தொடரின் ஐந்தாவது போட்டியில் இன்று (27) இலங்கை மற்றும் பாகிஸ்தான் அணிகள் மோதுகின்றன.
இந்தப் போட்டி பாகிஸ்தானின் லாகூரில் அமைந்துள்ள கடாபி மைதானத்தில் நடைபெறவுள்ளது.
தொடரில் இதுவரை விளையாடிய மூன்று போட்டிகளிலும் வெற்றி பெற்றுள்ள பாகிஸ்தான் அணி, இறுதிப் போட்டிக்கான தகுதியை ஏற்கனவே உறுதி செய்துள்ளது. இலங்கை அணிக்கு எதிரான முந்தைய போட்டியில் பாகிஸ்தான் 37 ஓட்டங்களால் வெற்றி பெற்றிருந்தது.
அந்தப் போட்டியில் சல்மான் அலி ஆகா 90 பந்துகளில் 107 ஓட்டங்களைப் பெற்றதுடன், பாகிஸ்தான் அணியின் வெற்றிக்கு முக்கிய பங்களிப்பை வழங்கியிருந்தார். பந்துவீச்சில் அணித்தலைவர் ஷஹீன் ஷா அப்ரிடி மூன்று விக்கெட்டுகளைக் கைப்பற்றியிருந்தார்.
இன்றைய போட்டி இலங்கை அணிக்கு தனது ஆட்டத்தை மேம்படுத்திக் கொள்வதற்கும் தொடரில் முக்கியமான வெற்றியைப் பெறுவதற்கும் ஒரு வாய்ப்பாக அமைகிறது.
இந்தத் தொடரின் அடுத்த போட்டியில் இலங்கை அணி ஒக்டோபர் 29ஆம் திகதி இங்கிலாந்தை எதிர்கொள்ளவுள்ளது. தொடரின் இறுதிப் போட்டி ஒக்டோபர் 31ஆம் திகதி நடைபெறத் திட்டமிடப்பட்டுள்ளது.
