நட்பைப் பயன்படுத்தி பணம் பறிக்கும் கும்பல்
மோசடியில் ஈடுபடுவோர், கவர்ச்சிகரமான செய்திகளை அனுப்பி பாதிக்கப்பட்டவர்களின் நம்பிக்கையைப் பெறுகின்றனர். நேரில் சந்திப்பதாகக் கூறுவதுடன், சிலர் தனிப்பட்ட அல்லது நிர்வாணப் புகைப்படங்களை அனுப்பி நீண்டகால நெருக்கத்தை உருவாக்க முயற்சிக்கின்றனர்.
பின்னர், கடன், தனிப்பட்ட புகைப்படங்கள், அவசரத் தேவை அல்லது எதிர்பாராத ஆபத்து போன்ற காரணங்களைக் கூறி பணம் கோருகின்றனர். பெற்ற பணத்தைத் திருப்பித் தருவதாகவும் உறுதியளிக்கின்றனர்.
பணம் கொடுத்த பின்னர் மிரட்டல்
பணம் பெற்ற பின்னர் சிலர் தொடர்புகளைத் துண்டித்துவிடுவதாகவும், மேலும் பணம் கோருவதாகவும் பொலிஸார் தெரிவிக்கின்றனர்.
அத்துடன், பாதிக்கப்பட்டவர்களின் தனிப்பட்ட தகவல்கள் மற்றும் புகைப்படங்களைச் சமூக ஊடகங்களில் வெளியிடுவதாக மிரட்டும் சம்பவங்களும் பதிவாகியுள்ளன.
இதனால் இத்தகைய போலியான இணைய உறவுகளில் சிக்கிய பலர் கடும் மன உளைச்சலுக்கும் சிரமங்களுக்கும் உள்ளாகியுள்ளதாகத் தெரிவிக்கப்படுகிறது.
பொதுமக்களுக்கு பொலிஸார் விடுக்கும் அறிவுறுத்தல்கள்
- இணையத்தில் அறிமுகமாகும் நபர்களின் உண்மைத்தன்மையைப் பல வழிகளில் உறுதிப்படுத்திய பின்னரே நம்பிக்கை வைக்கவும்.
- அறிமுகமில்லாதவர்களுக்கு ஒருபோதும் பணம் அனுப்ப வேண்டாம்.
- வங்கிக் கணக்கு விபரங்கள், OTP குறியீடுகள் மற்றும் கடவுச்சொற்களைப் பகிர வேண்டாம்.
- தேசிய அடையாள அட்டை விபரங்கள் மற்றும் தனிப்பட்ட, உணர்வுபூர்வமான புகைப்படங்களை அனுப்ப வேண்டாம்.
- மிரட்டல் அல்லது பணம் பறிக்கும் முயற்சி ஏற்பட்டால், பணம் செலுத்தாமல் ஆதாரங்களைப் பாதுகாத்து பொலிஸாரிடம் முறைப்பாடு செய்யவும்.
