ரஷ்யாவின் கட்டுப்பாட்டிலுள்ள உக்ரைனின் ஒலேஷ்கி நகரிலிருந்து பொதுமக்களை வெளியேற்றுவதற்கான அரிய மனிதாபிமான நடவடிக்கை முன்னெடுக்கப்பட்டுள்ளது.
உள்ளூர் போர் நிறுத்த ஏற்பாட்டின் கீழ் இந்த நடவடிக்கை மேற்கொள்ளப்பட்டுள்ளதுடன், பொதுமக்களுக்குத் தேவையான உணவு, மருந்து மற்றும் அத்தியாவசியப் பொருட்களும் வழங்கப்பட்டுள்ளன.
வெளியேற விரும்பிய பொதுமக்களை அழைத்துச் செல்ல 25 பேருந்துகளும் ஒன்பது அவசர மருத்துவ வாகனங்களும் பயன்படுத்தப்பட்டுள்ளதாக ரொய்ட்டர்ஸ் தெரிவித்துள்ளது.
நீண்டகாலமாகப் போர் பாதிப்புகளை எதிர்கொண்டுள்ள அப்பகுதி மக்களின் பாதுகாப்பை உறுதிப்படுத்துவதே இந்த நடவடிக்கையின் நோக்கமாகும்.
எனினும், உக்ரைனின் ஏனைய பகுதிகளில் தாக்குதல்கள் தொடர்வதாகவும் தெரிவிக்கப்பட்டுள்ளது.
