இலங்கை மற்றும் பாகிஸ்தான் அணிகளுக்கு இடையிலான முத்தரப்பு ஒருநாள் கிரிக்கெட் தொடரின் இறுதிப் போட்டியில் பாகிஸ்தான் அணி மூன்று விக்கெட்டுகளால் வெற்றிபெற்று கிண்ணத்தைக் கைப்பற்றியுள்ளது.
முதலில் துடுப்பெடுத்தாடிய இலங்கை அணி 50 ஓவர்கள் நிறைவில் 8 விக்கெட்டுகளை இழந்து 325 ஓட்டங்களைப் பெற்றது.
இலங்கை அணியின் கமிந்து மெண்டிஸ் தனது முதலாவது ஒருநாள் சர்வதேச சதத்தைப் பதிவு செய்து 131 ஓட்டங்களைப் பெற்றார். பவன் ரத்நாயக்க 77 ஓட்டங்களைப் பெற்றார்.
பதிலுக்கு துடுப்பெடுத்தாடிய பாகிஸ்தான் அணி 49.1 ஓவர்களில் 7 விக்கெட்டுகளை இழந்து 331 ஓட்டங்களைப் பெற்று வெற்றியை உறுதிப்படுத்தியது.
பாகிஸ்தான் அணியின் பக்கர் சமான் 99 பந்துகளில் 127 ஓட்டங்களைப் பெற்று அணியின் வெற்றிக்கு முக்கிய பங்களிப்பை வழங்கினார்.
2008ஆம் ஆண்டுக்குப் பின்னர் இந்த முத்தரப்பு ஒருநாள் தொடரின் இறுதிப் போட்டியில் பாகிஸ்தான் அணி மீண்டும் சம்பியன் பட்டத்தை வென்றுள்ளது
