அம்பாறை, கல்முனைக்குடிப் பகுதியில் மேற்கொள்ளப்பட்ட விசேட கூட்டுச் சோதனை நடவடிக்கையின்போது, 6 கிலோகிராமிற்கும் அதிகமான போதைப்பொருட்களுடன் 61 வயதுடைய நபர் ஒருவர் கைது செய்யப்பட்டுள்ளார்.
இலங்கை கடற்படையும் கல்முனை சுங்கத் திணைக்கள அலுவலகமும் இணைந்து நேற்று (03) இந்தச் சோதனை நடவடிக்கையை முன்னெடுத்துள்ளன.
கடற்படைக்குக் கிடைத்த இரகசியத் தகவலின் அடிப்படையில் மேற்கொள்ளப்பட்ட சோதனையின்போது, விற்பனைக்காக 94 சிறிய பொதிகளில் தயார்படுத்தி வைக்கப்பட்டிருந்த போதைப்பொருட்கள் கைப்பற்றப்பட்டுள்ளன.
கைது செய்யப்பட்டவர் கல்முனைக்குடிப் பகுதியைச் சேர்ந்த 61 வயதுடையவர் எனத் தெரிவிக்கப்பட்டுள்ளது.
சந்தேகநபரும் கைப்பற்றப்பட்ட போதைப்பொருட்களும் மேலதிக சட்ட நடவடிக்கைகளுக்காக கல்முனை சுங்கத் திணைக்களத்திடம் ஒப்படைக்கப்பட்டுள்ளன.
