வெப்பநிலை அதிகரிப்பு

நாட்டின் பல பகுதிகளில் நேற்று (25) உயர்ந்த வெப்பநிலை பதிவாகியுள்ளதாக வளிமண்டலவியல் திணைக்களம் தெரிவித்துள்ளது.

இதன்படி, அதிகபட்சமாக திருகோணமலையில் 39.9°C வெப்பநிலை பதிவாகியுள்ளது.

அத்துடன் பொலன்னறுவையில் 38.6°C வெப்பநிலையும், முல்லைத்தீவில் 37.5°C வெப்பநிலையும் பதிவாகியுள்ளதுடன், மொனராகலையில் 37.3°C வெப்பநிலையும் பதிவாகியுள்ளது.

மேலும் வவுனியாவில் 37.1°C, அனுராதபுரத்தில் 35.3°C, பதுளையில் 34.4°C, யாழ்ப்பாணத்தில் 34.2°C மற்றும் கொழும்பில் 32.0°C ஆக வெப்பநிலை பதிவாகியுள்ளது.

வளிமண்டலவியல் திணைக்களத்தின் தரவுகளின்படி நுவரெலியாவில் குறைந்தபட்ச வெப்பநிலையாக 23.4°C பதிவாகியுள்ளமை குறிப்பிடத்தக்கது.