சர்வதேச கிரிக்கெட் பேரவையின் (ICC) சமீபத்திய வருடாந்திர தரவரிசைப் புதுப்பிப்பின்படி, ஆண்களுக்கான T20 தரவரிசையில் இலங்கை அணி ஒரு இடம் பின்தள்ளி 9வது இடத்திற்கு சென்றுள்ளது.
ஆண்களுக்கான T20 தரவரிசையில் இந்தியா 275 புள்ளிகளுடன் முதலிடத்தில் தொடர்கின்றது.
இதனையடுத்து இங்கிலாந்து 262 புள்ளிகள் மற்றும் அவுஸ்திரேலியா 258 புள்ளிகளுடன் முறையே இரண்டு மற்றும் மூன்றாவது இடங்களில் உள்ளன.
இலங்கை ஆண்கள் அணி 6 புள்ளிகளை இழந்து 8ஆவது இடத்திலிருந்து 9ஆவது இடத்தை பிடித்துள்ள நிலையில், பங்களாதேஷ் 8ஆவது இடத்திற்கு முன்னேறியுள்ளது.மேலும் ஆப்கானிஸ்தான் 10ஆவது இடத்தில் தொடர்கின்றது.
அத்துடன் பெண்களுக்கான T20 தரவரிசையில் அவுஸ்திரேலியா 287 புள்ளிகளுடன் தொடர்ந்தும் முதலிடத்தில் இருப்பதோடு இங்கிலாந்து மற்றும் இந்தியா அணிகள் அடுத்தடுத்த இடங்களில் உள்ளன.
பெண்கள் தரவரிசையில் இலங்கை 7ஆவது இடத்தைத் தக்கவைத்துக் கொண்டுள்ளது.
