கொழும்பு கொம்பனித்தெரு பகுதியில், கடை ஒன்றின் பின்னால் மிகவும் இரகசியமாக நடத்தப்பட்டதாக கூறப்படும் நிலத்தடி இரவு விடுதி ஒன்றை கலால் திணைக்கள அதிகாரிகள் முற்றுகையிட்டுள்ளனர்.
கடந்த 21 ஆம் திகதி மேற்கொள்ளப்பட்ட இந்த நடவடிக்கையில், சட்டவிரோதமாக விற்பனைக்காக வைக்கப்பட்டிருந்ததாக கூறப்படும் ஒரு தொகை வெளிநாட்டு மதுபான போத்தல்களும் இந்த சுற்றிவளைப்பின் போது கைப்பற்றப்பட்டுள்ளன.
வெளிப்புறத்தில் முறுக்கு உள்ளிட்ட சிற்றுண்டிகள் மற்றும் குளிர்பானங்கள் விற்பனை செய்யும் கடையாகவே இந்த இடம் காணப்பட்டதாக காணப்பட்டுள்ளது.
விசாரணையின்போது, சிற்றுண்டி பொதிகள் வைக்கப்பட்டிருந்த அலுமாரியை அகற்றிய பின்னரே, அந்த இடத்தில் இருந்து நிலத்தடி பகுதிக்கு செல்லும் இரகசிய நுழைவிடம் கண்டுபிடிக்கப்பட்டதாக அதிகாரிகள் தெரிவித்துள்ளனர்.
