இணையக் குற்றங்களுக்கு எதிரான ஐ.நா ஒப்பந்தத்தில் இந்தியா கையெழுத்து

ஐ.நா பொதுச்சபையின் 81 ஆவது அமர்வின் இடையே, இணையக் குற்றங்களுக்கு எதிரான ஐக்கிய நாடுகள் ஒப்பந்தத்தில் (UN Convention against Cybercrime) இந்திய வெளியுறவுத் துறை அமைச்சர் எஸ். ஜெய்சங்கர் கையெழுத்திட்டுள்ளார்.

பாதுகாப்பான டிஜிட்டல் எதிர்காலத்தை நோக்கிய சர்வதேச ஒத்துழைப்பை வலுப்படுத்துவதற்கு இந்த நடவடிக்கை பெரும் பக்கபலமாக அமையும் என்று அமைச்சர் தெரிவித்துள்ளார்.

இதனிடையே, இந்தியா மற்றும் வளைகுடா ஒத்துழைப்பு சபை (GCC) இடையேயான சுதந்திர வர்த்தக ஒப்பந்தக் (FTA) குழுக்களின் பேச்சுவார்த்தைகள் தொடங்குவதை வரவேற்பதாக அமைச்சர் எஸ். ஜெய்சங்கர் குறிப்பிட்டுள்ளார்.

இந்த ஒப்பந்தத்தின் மூலம் வர்த்தகம், முதலீடு, எரிசக்தி, உணவுப் பாதுகாப்பு, சுகாதாரம், புதிய தொழில்நுட்பம், கலாச்சாரம் மற்றும் மக்களிடையேயான தொடர்புகள் போன்ற பல்வேறு துறைகளில் இருதரப்பு பங்களிப்பு மேலும் வலுவடையும் என்று அவர் சுட்டிக்காட்டியுள்ளார்.