காலி – பத்தேகம பகுதியில் கடந்த செப்டம்பர் மாதம் 27ஆம் திகதி இடம்பெற்ற துப்பாக்கிச்சூட்டு சம்பவத்தில் முச்சக்கரவண்டியில் பயணித்த ஒரு ஆண் மற்றும் இரு பெண்கள் மீது துப்பாக்கி பிரயோகம் மேற்கொண்ட சம்பவத்திற்கு உதவிய சந்தேக நபர் ஒருவரை கைது செய்துள்ளதாக காலி மாவட்ட குற்றத்தடுப்புப் பிரிவு பொலிஸார் தெரிவித்தனர்.
சம்பவம் தொடர்பில் தீவிர விசாரணைகள் மேற்கொள்ளப்பட்துவந்த நிலையில் , நேற்று ஞாயிற்றுக்கிழமை (04) அம்பலாங்கொடை பகுதியில் வைத்து இந்த சந்தேகநபர் கைது செய்யப்பட்டுள்ளார்.
கைது செய்யப்பட்டவர் கரந்தெனிய பகுதியைச் சேர்ந்த 27 வயதுடைய இளைஞர் என பொலிஸார் உறுதிப்படுத்தியுள்ளனர்.
தற்போது சந்தேகநபரை 48 மணிநேர தடுப்புக் காவலில் வைத்து விசாரணை செய்ய பொலிஸார் அனுமதி பெற்றுள்ள நிலையில், காலி மாவட்ட குற்றத்தடுப்புப் பிரிவினர் மேலதிக விசாரணைகளைத் தொடர்ந்து மேற்கொண்டு வருகின்றனர்.
