இலங்கையின் பொருளாதாரம் 2022ஆம் ஆண்டு ஏற்பட்ட பொருளாதார நெருக்கடிக்கு முந்தைய நிலையை மீண்டும் எட்டியுள்ளதாக உலக வங்கி தெரிவித்துள்ளது.
உலக வங்கியின் புதிய Sri Lanka Development Update அறிக்கையின் படி, 2026ஆம் ஆண்டின் முதல் ஆறு மாதங்களில் நாட்டின் உண்மையான மொத்த உள்நாட்டு உற்பத்தி 4.7 சதவீதம் வளர்ச்சியடைந்துள்ளது.
இதனடிப்படையில், 2026ஆம் ஆண்டுக்கான இலங்கையின் பொருளாதார வளர்ச்சி 4.4 சதவீதமாக இருக்கும் என உலக வங்கி கணித்துள்ளது.
எனினும், பொருளாதார மீட்சி அனைத்து மக்களுக்கும் சமமாக சென்றடையவில்லை என உலக வங்கி எச்சரித்துள்ளது. குறிப்பாக குடும்ப வருமானம், வேலைவாய்ப்பு மற்றும் வறுமை நிலைமை ஆகியவை பொருளாதார வளர்ச்சிக்கு இணையாக முன்னேறவில்லை என சுட்டிக்காட்டப்பட்டுள்ளது.
2025ஆம் ஆண்டில் வறுமை விகிதம் 16.9 சதவீதமாக இருந்ததாகவும், 2026ஆம் ஆண்டில் அது 15.8 சதவீதமாகக் குறையக்கூடும் எனவும் உலக வங்கி தெரிவித்துள்ளது.
