ரஜினிகாந்த் நடிப்பில் நெல்சன் திலீப்குமார் இயக்கியுள்ள ‘ஜெயிலர் 2’ திரைப்படம் வெளியீட்டுக்கு தயாராகி வரும் நிலையில், படத்திற்கு UA 16+ சான்றிதழ் வழங்கப்பட்டுள்ளதாக தகவல்கள் வெளியாகியுள்ளன.
2023ஆம் ஆண்டு வெளியாகி மிகப்பெரிய வரவேற்பைப் பெற்ற ‘ஜெயிலர்’ திரைப்படத்தின் தொடர்ச்சியாக இந்தப் படம் உருவாகியுள்ளது. ரஜினிகாந்த் மீண்டும் முத்துவேல் பாண்டியன் கதாபாத்திரத்தில் நடித்துள்ளார்.
சமீபத்தில் வெளியான டிரெய்லரில் அதிரடி காட்சிகளுடன் புதிய கதாபாத்திரங்களும் இடம்பெற்றுள்ளன. எஸ்.ஜே.சூர்யா, வித்யா பாலன், மிதுன் சக்ரவர்த்தி, சூரஜ் வெஞ்சாரமூடு உள்ளிட்ட பலர் படத்தில் இணைந்துள்ளனர். மோகன்லால் மற்றும் சிவராஜ்குமார் ஆகியோரும் தங்களது முந்தைய கதாபாத்திரங்களில் தோன்றுகின்றனர்.
படத்தின் இசையை அனிருத் ரவிச்சந்தர் அமைத்துள்ளார். ஒளிப்பதிவை விஜய் கார்த்திக் கண்ணன் மேற்கொண்டுள்ளார்.
இந்நிலையில், ‘ஜெயிலர் 2’ திரைப்படம் எதிர்வரும் ஒக்டோபர் 15ஆம் திகதி உலகம் முழுவதும் திரையரங்குகளில் வெளியாகவுள்ளது.
படத்தின் வெளியீட்டுக்கு முன்னதாக, வழக்கமான பிரம்மாண்ட இசை வெளியீட்டு நிகழ்வுக்கு பதிலாக, திரைப்படக் குழுவினருடன் சிறப்பு நிகழ்ச்சி ஒன்றை நடத்த படக்குழு திட்டமிட்டுள்ளது. இந்த நிகழ்ச்சி ஒக்டோபர் 9ஆம் திகதி SunNXT தளத்தில் வெளியாகும் என தெரிவிக்கப்பட்டுள்ளது.
