பிரான்ஸில் கல்வித்துறைக்கான நிதி ஒதுக்கீடு, ஆசிரியர் பற்றாக்குறை மற்றும் பாடசாலை வசதிகள் தொடர்பான கோரிக்கைகளை முன்வைத்து மாணவர்கள் மற்றும் ஆசிரியர்கள் முன்னெடுத்த போராட்டங்கள் தொடர்ந்து தீவிரமடைந்துள்ளன.
நாடு முழுவதும் நடைபெற்ற போராட்டங்களில் சுமார் 2.5 இலட்சம் பேர் பங்கேற்றதாக தகவல்கள் தெரிவிக்கின்றன.
போராட்டங்களின் போது சில இடங்களில் ஆர்ப்பாட்டக்காரர்களுக்கும் பொலிஸாருக்கும் இடையே மோதல்கள் ஏற்பட்டுள்ளன. இதனையடுத்து பிரான்ஸ் அரசாங்கம் சில பொலிஸ் கட்டுப்பாட்டு நடவடிக்கைகள் தொடர்பிலும் மாற்றங்களை அறிவித்துள்ளது.
கல்வித்துறையில் வகுப்பறை நெரிசல், ஆசிரியர் பற்றாக்குறை மற்றும் பாடசாலை கட்டமைப்பு தொடர்பான பிரச்சினைகளே போராட்டக்காரர்களின் முக்கிய கோரிக்கைகளாக உள்ளன.
