ஒரு கிலோகிராம் கோதுமை மாவின் விலை நேற்று (20) நள்ளிரவு முதல் அமுலுக்கு வரும் வகையில் 13 ரூபாவால் அதிகரிக்கப்பட்டுள்ளதாக இறக்குமதியாளர்கள் தெரிவித்துள்ளனர்.
சந்தையில் நிலவும் நிலைமை மற்றும் உற்பத்திச் செலவுகள் அதிகரித்துள்ளமையைக் கருத்திற்கொண்டு இந்த விலை உயர்வு மேற்கொள்ளப்படுவதாகத் தெரிவிக்கப்பட்டுள்ளது.
இந்த விலை அதிகரிப்பினால் கோதுமை மாவைப் பயன்படுத்தி தயாரிக்கப்படும் உணவுப் பொருட்களின் விலைகளிலும் மாற்றங்கள் ஏற்படக்கூடும் என எதிர்பார்க்கப்படுகிறது.
குறிப்பாக, பாண், பிஸ்கட், கேக் மற்றும் ஏனைய பேக்கரி உற்பத்திப் பொருட்களின் விலைகளில் ஏற்படக்கூடிய தாக்கம் குறித்து நுகர்வோர் கவனம் செலுத்தி வருகின்றனர்.
