ஞானசார தேரரை விடுதலை செய்யுமாறு கோரி, பதுளை நகரில் இன்று (21) புதன்கிழமை பேரணியொன்று முன்னெடுக்கப்பட்டது.
பதுளை பிரதான பேருந்து தரிப்பிடத்திலிருந்து ஆரம்பமான இந்தப் பேரணியில் பௌத்த மதகுருமார்களான பிக்குமார்களும், பௌத்த மத ஆதரவாளர்கள் பலரும் கலந்துகொண்டனர்.
இதன்போது, ஞானசார தேரரை விடுதலை செய்ய நடவடிக்கை எடுக்குமாறும், அவருக்கு ஜனாதிபதியின் பொது மன்னிப்பை வழங்கி விடுதலை செய்யுமாறும் பேரணியில் கலந்துகொண்டவர்கள் கோரிக்கை விடுத்தனர்.
மேலும், ஞானசார தேரருக்கு ஜனாதிபதியின் பொது மன்னிப்பைப் பெற்றுக்கொடுக்கும் நோக்கில், மதகுருமார்கள் பொதுமக்களிடம் கையொப்பங்களைத் திரட்டும் நடவடிக்கையையும் முன்னெடுத்தனர்.
பதுளை நகருக்கு வருகைதந்த பொதுமக்களிடம் கையொப்பங்கள் பெற்றுக்கொள்ளப்பட்டதுடன், ஞானசார தேரரின் விடுதலைக்கான ஆதரவை வெளிப்படுத்துமாறும் கோரிக்கை விடுக்கப்பட்டது.
இந்தப் பேரணி மற்றும் கையொப்பத் திரட்டும் நடவடிக்கைகள் பதுளை நகரில் பொதுமக்களின் கவனத்தை ஈர்த்தன.
