இலங்கையின் பல பகுதிகளில் நிலவும் மழையுடனான வானிலை எதிர்வரும் நாட்களிலும் தொடரக்கூடும் என வானிலை முன்னறிவிப்புகள் தெரிவிக்கின்றன.
இலங்கைக்கு அண்மையில் காணப்பட்ட குறைந்த அழுத்தப் பிரதேசம் நாட்டிலிருந்து மேற்கு நோக்கி நகர்ந்தாலும், அதன் தாக்கம் காரணமாக மழை தொடரும் என அறிவிக்கப்பட்டுள்ளது. மேல், சப்ரகமுவ, மத்திய, வடக்கு மற்றும் வடமேல் மாகாணங்களிலும் அனுராதபுரம், காலி உள்ளிட்ட மாவட்டங்களிலும் மழை அல்லது இடியுடன் கூடிய மழை பெய்யக்கூடும் எனத் தெரிவிக்கப்பட்டுள்ளது.
சில இடங்களில் 75 மில்லிமீற்றருக்கும் அதிகமான மழைவீழ்ச்சி பதிவாகும் சாத்தியமும் காணப்படுவதால், இடியுடன் கூடிய மழையின்போது பலத்த காற்று மற்றும் மின்னல் தாக்கங்களிலிருந்து பாதுகாப்பாக இருக்குமாறு பொதுமக்கள் அறிவுறுத்தப்படுகின்றனர்.
மத்திய மற்றும் ஊவா மாகாணங்களின் சில பகுதிகளில் அதிகாலை வேளையில் பனிமூட்டமும் ஏற்படக்கூடும்.
