சீன ரோபோட்டிக்ஸ் நிறுவனமான ஃபூரியருடன் (Fourier) இணைந்து மனித உருவ ரோபோ ஒன்றின் முதன்மாதிரியை (Prototype) மெட்டா நிறுவனம் உருவாக்கியுள்ளதாகத் தகவல்கள் வெளியாகியுள்ளன.
‘தி இன்பர்மேஷன்’ (The Information) வெளியிட்டுள்ள செய்தியின்படி, ‘மேக்ஸ்’ (Max) எனப் பெயரிடப்பட்டுள்ள இந்த ரோபோ சுமார் மூன்று மாதங்களில் உருவாக்கப்பட்டுள்ளது. இதன் உயரம் சுமார் 1.5 மீற்றர் எனவும் தெரிவிக்கப்பட்டுள்ளது.
மெட்டா நிறுவனம் தற்போது இந்த ரோபோவின் இரண்டாவது பதிப்பான ‘மேக்ஸ் 2’ (Max 2) உருவாக்கும் பணியில் ஈடுபட்டுள்ளதாகவும், மேம்படுத்தப்பட்ட கைகள், மறுவடிவமைக்கப்பட்ட உடற்பகுதி மற்றும் படிக்கட்டுகளில் ஏறி இறங்க உதவும் கூடுதல் உணரிகள் உள்ளிட்ட அம்சங்கள் அதில் இடம்பெறவுள்ளதாகவும் தகவல்கள் தெரிவிக்கின்றன.
எதிர்காலத்தில் வீட்டு வேலைகள் மற்றும் அன்றாடப் பணிகளுக்கு உதவக்கூடிய மனித உருவ ரோபோக்களை உருவாக்கும் நோக்கில் மெட்டா இந்த முயற்சியை முன்னெடுத்து வருவதாகக் கூறப்படுகிறது.
எனினும், ஃபூரியருடன் இணைந்து மேற்கொள்ளப்படும் இந்தத் திட்டம் உள்நாட்டு ஆராய்ச்சி மற்றும் பரிசோதனை நோக்கங்களுக்கானது என்றும், தற்போது இந்த ரோபோக்களை விற்பனை செய்யும் திட்டம் இல்லை என்றும் மெட்டா நிறுவனம் தெரிவித்துள்ளதாக ‘தி இன்பர்மேஷன்’ செய்தி வெளியிட்டுள்ளது.
இந்தத் தகவலை ராய்ட்டர்ஸ் செய்தி நிறுவனத்தால் சுயாதீனமாக உடனடியாக உறுதிப்படுத்த முடியவில்லை எனவும் தெரிவிக்கப்பட்டுள்ளது.
