அமைச்சராகப் பதவி வகித்த காலத்தில், சட்டபூர்வ வருமானத்துக்கு அதிகமாக 75 மில்லியன் ரூபாய்க்கும் அதிக பெறுமதியான சொத்துக்களை முறைகேடாகச் சேர்த்ததாகக் கூறப்படும் குற்றச்சாட்டு தொடர்பில், முன்னாள் அமைச்சர் விமல் வீரவன்சவுக்கு எதிராகத் தாக்கல் செய்யப்பட்டுள்ள வழக்கின் மேலதிக சாட்சிய விசாரணை எதிர்வரும் 25ஆம் திகதி மீண்டும் நடைபெறவுள்ளது.
இலஞ்ச ஊழல் ஆணைக்குழுவினால் தாக்கல் செய்யப்பட்ட இந்த வழக்கு, கொழும்பு மேல் நீதிமன்ற நீதிபதி மொஹமட் மிஹாயில் முன்னிலையில் நேற்று (03) விசாரணைக்கு எடுத்துக்கொள்ளப்பட்டது.
இதன்போது, முறைப்பாட்டுத் தரப்பின் 05, 55 மற்றும் 56ஆம் இலக்க சாட்சிகளை நீதிமன்றத்தில் முன்னிலையாகுமாறு நீதிபதி அழைப்பாணை பிறப்பித்தார்.
இதேவேளை, வழக்கின் பிரதிவாதியான முன்னாள் அமைச்சர் விமல் வீரவன்சவும் இன்று நீதிமன்றத்தில் முன்னிலையாகியிருந்தார்.
