பருவமழை போதியளவில் பெய்யாததன் காரணமாக இந்தியாவில் உணவுப் பொருட்களின் விலை உயர்வு நீடிக்கக்கூடும் எனப் பொருளாதார ஆய்வாளர்கள் எச்சரித்துள்ளனர்.
கோதுமை, அரிசி, பருப்பு, சீனி, வெங்காயம் உள்ளிட்ட அத்தியாவசிய உணவுப் பொருட்களுடன் பால் மற்றும் கோழி இறைச்சி விலைகளும் அதிகரித்து வருவதாகத் தெரிவிக்கப்பட்டுள்ளது.
குறிப்பாக, குளிர்காலப் பயிர்ச்செய்கைக்குத் தேவையான மண்ணின் ஈரப்பதம் குறைந்துள்ளதால் விவசாய உற்பத்தி பாதிக்கப்படலாம் எனக் கூறப்படுகிறது. இதனால் எதிர்வரும் மாதங்களில் உணவுப் பொருட்களின் விநியோகம் குறைந்து விலைகள் மேலும் அதிகரிக்கும் சாத்தியம் உள்ளதாக ஆய்வாளர்கள் சுட்டிக்காட்டியுள்ளனர்.
