தமிழ்நாடு சட்டமன்றத் தேர்தலில் கொளத்தூர் தொகுதியில் போட்டியிட்ட தி.மு.க. தலைவரும் முதலமைச்சருமான மு.க. ஸ்டாலின், தமிழக வெற்றிக் கழகத்தின் (தவெக) வேட்பாளர் வி.எஸ். பாபுவிடம் 8,795 வாக்குகள் வித்தியாசத்தில் தோல்வியடைந்துள்ளார்.
2011 ஆம் ஆண்டு முதல் மு.க. ஸ்டாலின் பிரதிநிதித்துவப்படுத்தி வந்த இந்த பலமான தொகுதியில், வி.எஸ். பாபு இந்த மாபெரும் வெற்றியைப் பதிவு செய்துள்ளார்.
கொளத்தூர் தேர்தல் நிலவரம்
வி.எஸ். பாபு (தவெக) – 82,997 வாக்குகள்
மு.க. ஸ்டாலின் (தி.மு.க.) – 74,202 வாக்குகள்
பி. சந்தான கிருஷ்ணன் (அ.தி.மு.க.) – 18,430 வாக்குகள்
கடந்த 2011 முதல் மு.க. ஸ்டாலின் தொடர்ந்து வெற்றி பெற்று வந்த கொளத்தூர் தொகுதியில், தவெகவின் வருகை மற்றும் புதிய கூட்டணி பலம் காரணமாக இந்த வரலாற்றுச் சிறப்புமிக்க தேர்தல் முடிவு வெளியாகியுள்ளது.
75 வயதான வி.எஸ். பாபு, இதற்கு முன்பு தி.மு.க. மற்றும் அ.தி.மு.க. ஆகிய கட்சிகளில் முக்கிய பொறுப்புகளை வகித்துள்ளார்.
2006 முதல் 2011 வரை புரசைவாக்கம் தொகுதி சட்டமன்ற உறுப்பினராகவும் பணியாற்றிய அவர், தற்போது தவெகவின் இணைப் பொதுச்செயலாளராக உள்ளார்.
தற்போதைய தேர்தல் ஆணையத்தின் தரவுகளின்படி, நடிகர் விஜய்யின் தமிழக வெற்றிக் கழகம் 108 க்கும் மேற்பட்ட தொகுதிகளில் முன்னிலை வகித்து வருகிறது.
இது தமிழகத்தின் இருபெரும் திராவிடக் கட்சிகளான தி.மு.க. மற்றும் அ.தி.மு.க. ஆகியவற்றுக்கு பெரும் சவாலாக மாறியுள்ளது.
