அஜித்தின் குட் பேட் அக்லி திரைப்படம் வெளியாகி ஒரு வருடம் ஆகிவிட்டது. ஆனாலும் அவரின் அடுத்த படம் தற்போது வரை துவங்கப்படவில்லை. இந்த படத்தை இயக்கப் போவது ஆதிக் ரவிச்சந்திரன்தான் என ஏற்கனவே அறிவித்தார்கள். ஆனால் அதன்பின் அடுத்து நகரவே இல்லை.
அதற்கு காரணம் அஜித் கேட்ட 185 கோடி சம்பளம் என சொல்லப்பட்டது. அதாவது அஜித்துக்கு 155 கோடி சம்பளம் கொடுக்க இங்கு எந்த தயாரிப்பாளரும் முன்வரவில்லை. எனவே, மும்பையெல்லாம் சொல்லி தயாரிப்பாளரை தேடினார்கள். ஆனால் எதுவும் நடக்கவில்லை. எனவே அஜித் தொடர்ந்து கார் ரேஸில் ஈடுபட்டு வந்தார்..
இந்நிலையில்தான் ஒரு முக்கிய தகவல் வெளியே கசிந்திருக்கிறது. உறுதியாக மும்பையில் ஒரு தயாரிப்பாளரிடம் பேசி அவரை அஜித்திடம் பேச வைத்திருக்கிறார் ஆதிக் ரவிச்சந்திரன். ஆனால் அவரிடம் சில நிமிடங்கள் பேசிய அஜித் ஆதிக் ரவிச்சந்திரனிடம் ‘இவர் வேண்டாம்’ என சொல்லிவிட்டாராம்.
இதைக்கேட்டு அப்செட்டான ஆதிக் அஜித் படத்தை தொடங்குவது இப்போதைக்கு நடக்காது என்று முடிவெடுத்துதான் தெலுங்கு நடிகர் பாலகிருஷ்ணாவிடம் ஒரு கதையை சொல்லியிருக்கிறாராம். அனேகமாக அஜித்தின் அடுத்த படத்தை சிறுத்தை சிவா, ஏ.எல் விஜய் அல்லது வெங்கட் பிரபு ஆகிய மூவரில் யாரேனும் ஒருவர் இயக்க வாய்ப்பிருப்பதாக சொல்லப்படுகிறது..
