களு கங்கையின் கிளை நதியான குடா கங்கை உப-பள்ளத்தாக்கு பிராந்தியத்தில் தற்போது சிறிய அளவிலான வெள்ளப்பெருக்கு நிலைமை ஏற்பட்டுள்ளதாக நீர்ப்பாசன திணைக்களம் தெரிவித்துள்ளது.
புளத்சிங்கள, மதுராவல மற்றும் பாலிந்தநுவர ஆகிய பிரதேச செயலாளர் பிரிவுகளில், குடா கங்கை மற்றும் மகுறு கங்கையின் வெள்ளப்பெருக்கு சமவெளிகளைச் சார்ந்த தாழ்நிலப் பகுதிகளில் வசிக்கும் பொதுமக்கள் இது குறித்து அவதானமாக இருக்குமாறு நீர்ப்பாசன திணைக்களம் விடுத்துள்ள அறிக்கையில் கேட்டுக்கொண்டுள்ளது.
இருப்பினும், தற்போது கிடைக்கப் பெற்றுள்ள மழைவீழ்ச்சி தரவுகள் மற்றும் நிலவும் மழை நிலவரங்களைக் கருத்தில் கொள்ளும்போது, அடுத்த சில மணித்தியாலங்களில் ஆற்றின் நீர்மட்டம் கணிசமாகவோ அல்லது வேகமாகவோ அதிகரிக்கும் என எதிர்பார்க்கப்படவில்லை என்றும் அதில் குறிப்பிடப்பட்டுள்ளது.
இந்த எச்சரிக்கை அறிவிப்பு இன்று (14) பி.ப. 07.30 மணி வரை செல்லுபடியாகும் என நீர்ப்பாசன திணைக்களம் மேலும் தெரிவித்துள்ளது.
