இலங்கையில் HIV மற்றும் பாலியல் நோய்கள் பரவல் நிலவரம் தொடர்பாகவும், அவற்றைக் கட்டுப்படுத்தும் தேசிய வேலைத்திட்டத்தை மேலும் வலுப்படுத்துவது குறித்தும் பிரதமர் ஹரிணி அமரசூரிய தலைமையில் நாடாளுமன்ற வளாகத்தில் விசேட கலந்துரையாடல் நடைபெற்றது.
இதில் அமைச்சர்கள் மற்றும் சம்பந்தப்பட்ட அமைச்சுகளின் அதிகாரிகள் பங்கேற்றனர். HIV தடுப்பில் நிலவும் சவால்களை இனங்காணுதல், நோய் பரவலைத் தடுக்குதல், ஆரம்பகால கண்டறிதல் மற்றும் சிகிச்சை சேவைகளை விரிவுபடுத்துதல், மேலும் HIV தொற்றாளர்கள் மீதான சமூகப் பாகுபாடுகளை குறைப்பதற்கான நடைமுறை நடவடிக்கைகள் குறித்து விரிவாக ஆராயப்பட்டது.
