இந்த ஆண்டுக்கான வருமான வரி இலக்கில் 52 சதவீதத்தை உள்நாட்டு இறைவரித் திணைக்களம் (IRD) இதுவரை பூர்த்தி செய்துள்ளதாகத் தெரிவித்துள்ளது.
திணைக்களத்தின் இந்த ஆண்டுக்கான வருடாந்த வருமான வரி இலக்கு 2,401 பில்லியன் ரூபாவாகும்.
அதில் 1,255 பில்லியன் ரூபா வருமானம் இதுவரை சேகரிக்கப்பட்டுள்ளதாக உள்நாட்டு இறைவரித் திணைக்களம் குறிப்பிட்டுள்ளது.
கடந்த ஆண்டுடன் ஒப்பிடுகையில், நடப்பு ஆண்டில் இந்த வருமான வரிச் சேகரிப்பின் முன்னேற்றம் 117 சதவீதமாகக் காணப்படுவதாகவும் திணைக்களம் மேலும் தெரிவித்துள்ளது.
