செம்மணி மனித புதைகுழியில் மூன்றாம் கட்ட அகழ்வு பணிகள் 56 நாட்களுக்கு முன்னெடுக்க நீதிமன்றம் அனுமதி வழங்கிய நிலையில், 32 நாட்கள் அகழ்வு பணிகள் இடம்பெற்றுள்ள நிலையில் , கடந்த 23ஆம் திகதியுடன் அகழ்வு பணிகள் தற்காலிகமாக நிறுத்தப்பட்ட நிலையில் நேற்று (15) முதல் அகழ்வு பணிகள் மீள ஆரம்பிக்கப்பட்டுள்ளது.ஆரம்பிக்கப்பட்டது.
மூன்றாம் கட்டத்தின் 33ஆவது நாளான நேற்று (15) புதிதாக 2 குழந்தைகளின் என்பு கூடுகள் அடையாளம் காணப்பட்டுள்ளது. அதேவேளை இரண்டு என்புக்கூட்டு குவியல்களும் அடையாளம் காணப்பட்டுள்ளது.
நேற்றையதினம் (15) என்புக்கூடுகள் எவையும் அகழ்ந்து எடுக்கப்படவில்லை.
அதன் அடிப்படையில் செம்மணி புதைகுழியில் இதுவரையில் 87 நாட்கள் அகழ்வு பணிகள் முன்னெடுக்கப்பட்ட நிலையில் , 414 என்பு கூடுகள் அடையாளம் காணப்பட்டுள்ள நிலையில் 409 என்பு கூடுகள் முற்றாக அகழ்ந்து எடுக்கப்பட்டுள்ளன.
