Google Maps செயலியில் செயற்கை நுண்ணறிவு (AI) அடிப்படையிலான புதிய Immersive Navigation வழிகாட்டி வசதி மற்றும் வேகக் கணிப்பான் (Speedometer) அம்சம் அறிமுகப்படுத்தப்பட்டுள்ளது.
பயணிகளுக்கு மேலும் துல்லியமான வழிகாட்டுதலையும், பாதுகாப்பான வாகன ஓட்ட அனுபவத்தையும் வழங்கும் நோக்கில் இந்த புதிய வசதிகள் அறிமுகம் செய்யப்பட்டுள்ளதாகத் தெரிவிக்கப்பட்டுள்ளது.
புதிய AI வழிகாட்டி வசதி மூலம், வீதிகளின் மேம்பட்ட காட்சிகள், தெளிவான வரைபடங்கள் மற்றும் எளிதில் புரிந்துகொள்ளக்கூடிய வழிகாட்டுதல்கள் வழங்கப்படுகின்றன.
இதன் மூலம் சாரதிகள் தங்களது பயணத்தை முன்கூட்டியே எளிதாகத் திட்டமிட முடியும்.
அதேநேரம், Google Maps-இல் இணைக்கப்பட்டுள்ள புதிய Speedometer வசதி, வாகனத்தின் வேகத்தை செயலியிலேயே நேரடியாகக் காட்டும்.
குறிப்பாக, டிஜிட்டல் வேகக் காட்டி (Digital Dashboard) இல்லாத வாகனங்களைப் பயன்படுத்தும் சாரதிகளுக்கு இந்த அம்சம் பயனுள்ளதாக இருக்கும் எனத் தெரிவிக்கப்பட்டுள்ளது.
ஆரம்பத்தில் குறைந்த எண்ணிக்கையிலான பயனர்களுக்கு மட்டுமே வழங்கப்பட்ட இந்த வசதிகள், தற்போது Android மற்றும் iOS பயனர்களுக்கு படிப்படியாக விரிவுபடுத்தப்பட்டு வருகின்றன. மேலும், Android Auto தளத்திலும் வேகக் கணிப்பான் வசதி இணைக்கப்பட்டுள்ளது.
Google நிறுவனம் இந்த புதிய அம்சங்களை server-side update முறையில் வழங்குவதால், பெரும்பாலான பயனர்கள் தனியாகச் செயலியைப் புதுப்பிக்க வேண்டிய அவசியம் இல்லை.
எனினும், நாடு, பிராந்தியம் மற்றும் சாதனத்தின் தன்மையைப் பொறுத்து இந்த வசதிகள் படிப்படியாகக் கிடைக்கக்கூடும் எனத் தெரிவிக்கப்பட்டுள்ளது.
