நாட்டில் நிலவும் சீரற்ற வானிலை காரணமாக 10 மாவட்டங்களுக்கு மண்சரிவு அபாய எச்சரிக்கை நீடிக்கப்பட்டுள்ளதாக தேசிய கட்டிட ஆராய்ச்சி நிறுவகம் தெரிவித்துள்ளது.
அத்துடன் இரத்தினபுரி மாவட்டத்தின் பெல்மடுல்லை பிரதேசத்திற்கு 3ஆம் நிலை மண்சரிவு அபாய எச்சரிக்கை விடுக்கப்பட்டுள்ளது.
இதனிடையே, ஹம்பாந்தோட்டை மாவட்டத்தின் கட்டுவன மற்றும் வலஸ்முல்லை பகுதிகளுக்கான மண்சரிவு எச்சரிக்கை 1ஆம் நிலைக்கு குறைக்கப்பட்டுள்ளது.
அத்துடன், மாத்தறை மாவட்டத்தின் பிடபெத்தர, கொட்டபொல மற்றும் பஸ்கொட ஆகிய பகுதிகளுக்கான மண்சரிவு எச்சரிக்கையும் 1ஆம் நிலைக்கு குறைக்கப்பட்டுள்ளதாக தெரிவிக்கப்பட்டுள்ளது.
இதேவேளை, கொழும்பு, காலி, கம்பஹா, களுத்துறை, கண்டி, கேகாலை, குருநாகல், மாத்தறை, நுவரெலியா மற்றும் இரத்தினபுரி ஆகிய மாவட்டங்களின் ஏனைய பகுதிகளுக்கான மண்சரிவு எச்சரிக்கைகள் தற்போதைய நிலைகளிலேயே நீடிக்கப்பட்டுள்ளன.
தேசிய கட்டிட ஆராய்ச்சி நிறுவகத்தின் அறிவிப்பின்படி, குறித்த மண்சரிவு எச்சரிக்கைகள் இன்று (26) மாலை 4.00 மணி வரை அமுலில் இருக்கும் என அறிவிக்கப்பட்டுள்ளது.
மண்சரிவு அபாயம் காணப்படும் பகுதிகளில் வசிக்கும் மக்கள் மற்றும் சாரதிகள் அவதானத்துடன் செயற்படுமாறு அறிவுறுத்தப்பட்டுள்ளனர்.
