இலங்கையின் நிட்டம்புவ, தங்கொல்லவத்த சுஹத மாவத்தையில் மருமகனால் தாக்கப்பட்டதாகக் கூறப்படும் 82 வயதுடைய முதியவர் உயிரிழந்துள்ளார். இச்சம்பவம் தொடர்பில் 22 வயதுடைய சந்தேகநபர் பொலிஸாரால் கைது செய்யப்பட்டுள்ளார்.
குடும்பத்தினரிடையே ஏற்பட்ட வாய்த்தர்க்கம் மோதலாக மாறியதையடுத்து இந்தத் தாக்குதல் இடம்பெற்றுள்ளதாகப் பொலிஸார் தெரிவித்துள்ளனர்.
தாக்குதலில் படுகாயமடைந்த முதியவர் வத்துபிட்டிவல ஆதார மருத்துவமனையில் அனுமதிக்கப்பட்டிருந்த நிலையில், இன்று (11) சிகிச்சை பலனின்றி உயிரிழந்துள்ளார்.
சம்பவத்தைத் தொடர்ந்து தலைமறைவாகியிருந்த சந்தேகநபரான 22 வயது மருமகன், குருநாகல் பகுதியில் வைத்து கைது செய்யப்பட்டுள்ளார்.
சம்பவம் தொடர்பில் நிட்டம்புவ பொலிஸார் மேலதிக விசாரணைகளை முன்னெடுத்து வருகின்றனர்
