சீதவாக்கையில் சோகம்… 33 வயதுப் பெண் உயிரிழப்பு!
கொழும்பு சீதவாக்கைப் பகுதியில் மின்சாரம் தாக்கி, இரண்டு பிள்ளைகளின் தாய் ஒருவர் பரிதாபமாக உயிரிழந்துள்ளார்.
இன்று காலை தனது வீட்டின் சமையலறையில் மின்சார அடுப்பைப் பயன்படுத்தி உணவு தயாரித்துக் கொண்டிருந்தபோதே, 33 வயதுடைய குறித்த பெண் மின்சாரம் தாக்கி உயிரிழந்துள்ளார்.
இந்தத் துயரச் சம்பவம் அப்பகுதியில் பெரும் சோகத்தை ஏற்படுத்தியுள்ள நிலையில், சம்பவம் தொடர்பான மேலதிக விசாரணைகளைப் பொலிஸார் முன்னெடுத்து வருகின்றனர்.
