புதிய கல்விச் சீர்திருத்தங்களின் கீழ், தேசிய கல்வி நிறுவகத்தினால் திருத்தியமைக்கப்பட்டு வெளியிடப்பட்டுள்ள தேசிய பாடத்திட்டக் கட்டமைப்பு தொடர்பாக, மல்வத்து பீடத்தின் மகாநாயக்கர் மற்றும் அனுநாயக்கர் ஆகியோருக்கு விளக்கமளிக்கப்பட்டுள்ளது.
ஒக்டோபர் 15ஆம் திகதி மல்வத்து மகா விகாரைக்குச் சென்ற அதிகாரிகள், மல்வத்து பீடத்தின் மகாநாயக்கர் அதி வணக்கத்திற்குரிய திப்பட்டுவாவே ஸ்ரீ சித்தார்த்த சுமங்கல தேரர் மற்றும் அனுநாயக்கர் அதி வணக்கத்திற்குரிய நியங்கொட விஜிதசிறி தேரர் ஆகியோரைச் சந்தித்து, புதிய கல்விச் சீர்திருத்தங்களின் கீழ் திருத்தியமைக்கப்பட்ட தேசிய பாடத்திட்டக் கட்டமைப்பு குறித்து விளக்கமளித்தனர்.
இதன்போது, குறித்த பாடத்திட்டக் கட்டமைப்பு தேரர்களிடம் உத்தியோகபூர்வமாகக் கையளிக்கப்பட்டது.
நாட்டின் கல்வித்துறையில் புதிய சீர்திருத்தங்களை அறிமுகப்படுத்தும் நடவடிக்கைகளின் ஒரு பகுதியாக இந்தச் சந்திப்பு இடம்பெற்றுள்ளது.
புதிய பாடத்திட்டக் கட்டமைப்பின் உள்ளடக்கங்கள் மற்றும் கல்விச் சீர்திருத்தங்கள் தொடர்பான தகவல்களை மதத் தலைவர்களிடம் எடுத்துரைப்பதும், திருத்தியமைக்கப்பட்ட ஆவணத்தை அவர்களிடம் சமர்ப்பிப்பதும் இந்தச் சந்திப்பின் முக்கிய நோக்கங்களாக அமைந்தன.
