ஷபாலி வர்மா அதிரடி அரைசதம்! ஜிம்பாப்வேயை வீழ்த்தி தொடரைக் கைப்பற்றியது இந்தியா

ஷபாலி வர்மா அதிரடி அரைசதம்! ஜிம்பாப்வேயை வீழ்த்தி தொடரைக் கைப்பற்றியது இந்தியா…

ஜிம்பாப்வே மகளிர் அணிக்கு எதிரான இரண்டாவது ரி20 போட்டியில் இந்திய மகளிர் அணி 9 விக்கெட்டுகளால் அபார வெற்றியைப் பதிவு செய்துள்ளது.

இந்த வெற்றியின் மூலம் மூன்று போட்டிகள் கொண்ட ரி20 தொடரை இந்திய அணி 2–0 எனக் கைப்பற்றியுள்ளது.

சத்தீஸ்கர் மாநிலம் ராய்ப்பூரில் நடைபெற்ற இந்தப் போட்டியில், நாணயச் சுழற்சியில் வெற்றி பெற்ற ஜிம்பாப்வே அணி முதலில் துடுப்பெடுத்தாடத் தீர்மானித்தது.

இந்திய அணியின் பந்துவீச்சை எதிர்கொள்ள முடியாமல் தடுமாறிய ஜிம்பாப்வே அணி, நிர்ணயிக்கப்பட்ட 20 ஓவர்களில் 8 விக்கெட்டுகளை இழந்து 103 ஓட்டங்களை மாத்திரம் பெற்றது.

ஜிம்பாப்வே அணிக்காக முகேரி-திரிபானோ 34 ஓட்டங்களையும், அணித்தலைவி ஜோஸ்பின் நிகோமோ 28 ஓட்டங்களையும் பெற்றனர். இந்திய அணியின் சார்பில் நிக்கி பிரசாத் இரண்டு விக்கெட்டுகளைக் கைப்பற்றினார்.

104 ஓட்டங்கள் என்ற வெற்றி இலக்குடன் களமிறங்கிய இந்திய அணிக்கு அணித்தலைவி ஸ்மிருதி மந்தனாவும் ஷபாலி வர்மாவும் அதிரடியான ஆரம்பத்தை வழங்கினர்.

குறிப்பாக, ஷபாலி வர்மா ஜிம்பாப்வே பந்துவீச்சாளர்களைத் திணறடித்து வெறும் 25 பந்துகளில் 55 ஓட்டங்களைக் குவித்தார். இதில் ஆறு பவுண்டரிகளும் நான்கு சிக்ஸர்களும் அடங்கின.

மறுமுனையில் அதிரடியாக விளையாடிய ஸ்மிருதி மந்தனா, 25 பந்துகளில் ஆட்டமிழக்காமல் 47 ஓட்டங்களைப் பெற்றார்.

முதல் விக்கெட்டுக்காக இருவரும் இணைந்து 96 ஓட்டங்களைப் பகிர்ந்துகொண்டனர்.

இறுதியில், இந்திய அணி 8.5 ஓவர்களில் ஒரு விக்கெட்டை மாத்திரம் இழந்து 104 ஓட்டங்களைப் பெற்று வெற்றியை உறுதிப்படுத்தியது.

இந்த வெற்றியின் மூலம் தொடரை 2–0 எனக் கைப்பற்றிய இந்திய மகளிர் அணி, தனது ஆதிக்கத்தை மீண்டும் நிரூபித்துள்ளது.