பிரான்ஸ் தலைநகர் பாரிஸ் உள்ளிட்ட பகுதிகளில் அண்மையில் ஏற்பட்ட வன்முறைச் சம்பவங்களைத் தொடர்ந்து, பாதுகாப்பு நடவடிக்கைகளைப் பொலிஸார் தீவிரப்படுத்தியுள்ளனர்.
இதன் ஒரு பகுதியாக, பெட்ரோல் மற்றும் எரிவாயு நிரப்பப்பட்ட கலன்கள், போத்தல்கள் ஆகியவற்றைக் கொண்டு செல்வதற்கும், பட்டாசுகளை வைத்திருப்பதற்கும் தற்காலிகத் தடை விதிக்கப்பட்டுள்ளது. இந்த உத்தரவு பாரிஸ் பெருநகரப் பகுதி முழுவதும் அமுல்படுத்தப்பட்டுள்ளதாகத் தெரிவிக்கப்பட்டுள்ளது.
மேலும், உயர்நிலைப் பாடசாலைகள் மற்றும் பல்கலைக்கழகங்களைச் சுற்றியுள்ள குறிப்பிட்ட பகுதிகளில் தலைக்கவசங்கள் உள்ளிட்ட பாதுகாப்பு உபகரணங்களை அணிந்து செல்வதற்கும் கட்டுப்பாடுகள் விதிக்கப்பட்டுள்ளன.
கடந்த வார இறுதியிலும், அதற்கு முந்தைய வாரங்களில் இடம்பெற்ற மாணவர் போராட்டங்களின்போதும் பொலிஸாருக்கும் முகமூடி அணிந்த இளைஞர்களுக்கும் இடையில் மோதல்கள் ஏற்பட்டதாகத் தெரிவிக்கப்படுகிறது.
இந்நிலையில், எதிர்வரும் சனிக்கிழமை நடைபெறவுள்ளதாக அறிவிக்கப்பட்டுள்ள போராட்டங்களைக் கருத்திற்கொண்டு, நாடு முழுவதும் பாதுகாப்பு நடவடிக்கைகளை வலுப்படுத்தப் பிரான்ஸ் அரசாங்கம் திட்டமிட்டுள்ளது.
