தெதுரு ஓயா நீர்த்தேக்கத்தின் வான் கதவுகள் திறக்கப்பட்டுள்ளதால், வினாடிக்கு 16,500 கனஅடி நீர் ஆற்றில் திறந்துவிடப்படுகிறது.
இதனால் வாரியப்பொல, நிகவெரட்டிய, மஹோ, கொபேகனே, பிங்கிரிய, பள்ளம, சிலாபம், ஆரச்சிகட்டுவ மற்றும் ரஸ்நாயக்கபுர ஆகிய தாழ்நிலப் பகுதிகளுக்கு வெள்ள அபாயம் ஏற்பட்டுள்ளதாக நீர்ப்பாசனத் திணைக்களம் எச்சரித்துள்ளது.
மேலும், நீர்வரத்து அதிகரித்தால் நீர் திறப்பின் அளவும் அதிகரிக்கப்படலாம் எனத் தெரிவிக்கப்பட்டுள்ளது. எனவே, குறித்த பகுதிகளில் வசிக்கும் மக்கள் மிகுந்த அவதானத்துடன் இருக்குமாறு அறிவுறுத்தப்பட்டுள்ளனர்.
