மக்களின் உயிர்ப் பாதுகாப்பைக் கருத்தில் கொண்டு, தரமற்ற பாதுகாப்புத் தலைக்கவசங்கள் (Helmet) தொடர்பில் நுகர்வோர் விவகார அதிகாரசபையினால் கடந்த திங்கட்கிழமை 98 சோதனைகள் முன்னெடுக்கப்பட்டன.
நடத்தப்பட்ட சோதனைகளில் 431 தலைக்கவசங்கள் தரமற்றவை என அடையாளம் காணப்பட்டுள்ளன.
கொழும்பு மற்றும் அதனைச் சுற்றியுள்ள பகுதிகளில் தரமற்ற தலைக்கவசங்களை உற்பத்தி செய்யும் 2 தொழிற்சாலைகள் கண்டறியப்பட்டதுடன், அங்கிருந்து 3,520 தரமற்ற தலைக்கவசங்கள் கைப்பற்றப்பட்டுள்ளன.
நுகர்வோர் விவகார அதிகாரசபையின் தலைவர் ஹேமந்த சமரகோன் இத்தகவலைத் தெரிவித்துள்ளார்.
